蘭苑餐廳

營業中

休息中

今年係第一次去中大讀Master，所以就喺蘭苑食過好多次晚飯。其中有一次係食芝士碎蛋沙律雞肉焗薯，個薯仔超大，食唔晒，芝士比較少，加上蛋沙律、雞肉，只係$36 ，我覺得好滿足、好抵食。另外幾次，我自己一個去咗食蘭苑三文治，即係公司三文治，入面材料非常豐富，包括：蕃茄、菜、雞肉、火腿、雞蛋……我仲有喺蘭苑食個大啡菇漢堡，記得有薯條同埋好大嘅漢堡包，非常飽！有一次，我喺蘭苑買咗雞髀薯蓉，但食嘢真係唔夠喉！