齊柏林熱狗店 (灣仔道) (已結業)

齊柏林熱狗喺唔同地方都有分店，之前喺沙田分店都試過食。晏晝唔想食太飽，所以就食熱狗。今次見到佢一個芝士熱狗，見到全部都係芝士，好吸引，咁都好有興趣所以今次就食呢個啦。嗌熱狗嘅時候，店員會問你有冇興趣加錢要小食同埋飲品。不過今日唔係太想食太多嘢，所以就淨係單點熱狗就算，不過聽到其他顧客都話會加冰菠蘿所以都好吸引，下次可以試下再嗌。由於生意太好，所以都要等成15分鐘先有得食。拎到有得食嘅時候咬落去熱狗腸好脆口，而且芝士亦都做到拉絲嘅效果，十分好食，下次會再買呢個。