超羣麵包西餅 (已結業)

「超群」這個朵相信喺香港無人不識，但可能因其包餅店之覆蓋點無其他同業咁多，有時都會被大家遺忘，好開心佢地係恒安村開咗最新分店，中裝修得好新潮，而且價錢仲好抵食，今次同大家介紹一下。牛油蛋撻蛋撻工工整整的一盤盤焗起，牛油皮有些人會稱佢做曲奇皮，唔理佢真名係咩，我係店內就只係聞到好香的牛油香味仲有陣陣蛋香。我帶到上樓，都仲Keep到暖，拎上手實淨唔會散，牛油皮比預期中薄，但硬身脆口，牛油香咪滲入口中，最欣賞佢蛋漿係「實的的」的，唔太甜，有蛋香。坊間很多餅店既蛋撻都做到皮厚蛋水，難得超群仍然是賣$6個。芝士蛋糕一支公，本身就無打算買這個芝士蛋糕的，但小妹受不住"最後一個"的誘惑，而價錢係$24蚊，真係買兩片芝士都唔得。有個靚紙盒包住，返到屋企用刀切開，切開時聽到撕撕聲，是很日式芝士蛋糕的感覺。我大大口的咬左一下，口感軟熟，有cream cheese香味，唔太甜，深啡色外皮仲有少少脆口。抵讚既係佢一啲都唔將貨就價，同蛋撻一樣「實的的」的，絕不是空心老官。味道當然不是神級之作，感覺似我中學時Home made過的"片裝芝士蛋糕"，但$24蚊就可以食到新鮮鬆軟的蛋糕，夫復可求!!!小妹食唔晒，連盒