竹園海鮮飯店 (已結業)

一行四人，好怕要等好耐，所以一早訂好枱，但去到都要等一陣先入座。好彩有一早訂位，晚市時間坐到八九成滿。無訂位更加有排等。一早聽聞芝士龍蝦相當出名，所以諗都無諗就叫一份試一試。龍蝦肉大舊又彈牙，芝士味牛油咪好重，好好食。個翅貨真價實好足料，加埋莞茜，係出奇地夾。片皮鴨，普通水準啦，始終唔係專做呢樣，真係差少少。條魚蒸嘅火喉剛剛好，好有鮮味。至於服務勉強叫ok啦，員工態度可以再好啲，但啲員工有時會用普通話同我講野，我就真係R爆頭，明明我一直keep住用廣東話講野。最後埋單，四個人大約二千三，平均五百幾一個人。