影片
更多
2018-12-11
87 瀏覽
公司附近有間越男仔分店，同事成日讚好味又抵食，所以係旺角搵食見到有越男仔就揀左食佢。店面空間比較細，所以只有吧枱位，位置比較迫不過好乾淨整齊。我地坐係貼住開放式廚房嘅位，可以見到店員準備食物。睇餐牌就知越男仔走fusion風格，有別傳統越南料理，係越南春卷上面加海膽或者湯檬上加生蠔，好有新意。每次食越南菜必點生牛肉湯河，可惜個日賣哂河粉只好轉食檬粉，好彩檬粉夠滑而且唔碎，吸左湯都好味道。講番生牛肉，份量幾多舖滿成碗粉，比平時食嘅生牛肉厚身，嫩滑而且牛味濃郁，絕對係期待以上！朋友點左生蠔椰汁酸湯湯檬，湯底一入口真係好酸，之後試到椰奶嘅香味，愈食愈開胃。生蠔好肥美，蠔香同個酸湯嘅味好夾，不過可以再多幾隻生蠔就好啦，朋友話唔夠喉！見到海膽即刻兩眼發光，海膽好新鮮，挺身而且好鮮甜，夾埋手撕雞檬紙卷一齊食味道好豐富。得獎菜芝心蝦多士，炸到脆一脆嘅多士包住彈牙蝦膠，中間仲有芝士，咬落去真係好滿足，表面加左芝麻食落更加香脆。芝士份量岩岩好唔會太膩，鍾意食香口野一定要點！低佔左呢度嘅大份量，最後食到超級飽。新派越南菜配搭得好好，相信花左唔少心思創作，價錢都好合理，可以encore嘅選擇
店面空間比較細，所以只有吧枱位，位置比較迫不過好乾淨整齊。我地坐係貼住開放式廚房嘅位，可以見到店員準備食物。
睇餐牌就知越男仔走fusion風格，有別傳統越南料理，係越南春卷上面加海膽或者湯檬上加生蠔，好有新意。
每次食越南菜必點生牛肉湯河，可惜個日賣哂河粉只好轉食檬粉，好彩檬粉夠滑而且唔碎，吸左湯都好味道。講番生牛肉，份量幾多舖滿成碗粉，比平時食嘅生牛肉厚身，嫩滑而且牛味濃郁，絕對係期待以上！
朋友點左生蠔椰汁酸湯湯檬，湯底一入口真係好酸，之後試到椰奶嘅香味，愈食愈開胃。生蠔好肥美，蠔香同個酸湯嘅味好夾，不過可以再多幾隻生蠔就好啦，朋友話唔夠喉！
見到海膽即刻兩眼發光，海膽好新鮮，挺身而且好鮮甜，夾埋手撕雞檬紙卷一齊食味道好豐富。
得獎菜芝心蝦多士，炸到脆一脆嘅多士包住彈牙蝦膠，中間仲有芝士，咬落去真係好滿足，表面加左芝麻食落更加香脆。
芝士份量岩岩好唔會太膩，鍾意食香口野一定要點！
低佔左呢度嘅大份量，最後食到超級飽。新派越南菜配搭得好好，相信花左唔少心思創作，價錢都好合理，可以encore嘅選擇
張貼
