樂麵

營業中

休息中

有時都會好想食日本拉麵，喺openrice搵到呢間離我屋企唔遠嘅日式拉麵，睇啲評語都唔錯，仲特登睇咗餐牌先，竟然有芫茜拉麵？？仲等咩啊，即刻出發！裝修用咗好多紅色元素，好日式，令人有種身處係日本嘅錯覺~我嚟呢度就係為咗【茜口茜麵 】而嚟㗎，端上嚟嗰陣我真係按捺唔住興奮！滿滿嘅芫茜鋪滿咗成碗麵，連麵條都睇唔到！邊個睇咗唔迷糊啊？芫茜獨特嘅香氣同濃郁嘅湯底融合埋一齊，又清爽又唔會滯！豚肉都切得好適中，好嫩口，而且麵條嘅軟硬度都啱啱好，好有咬口～喺一大堆芫茜入面搵拉麵，每一啖都沾滿芫茜味嘅感覺真係好正啊！呢碗芫茜拉麵真係太狂！！真係好耐冇見過玻璃樽裝嘅芬達喇！勾起我細個嘅回憶添！芬達嘅味道仲係咁清爽可口，濃郁嘅橙味加埋梳打水嘅味道，啊~ 爽！