芯 (已結業)

之前都聽過好多人介紹呢間日本餐廳🍴今次終於嚟試吓佢哋嘅lunch set，未坐低嗌餐個服務員已經好好招呼，叫完餐之後服務員仲問我哋餐飲需唔需要少冰，我覺得好細心好窩心嘅服務，同埋見到佢哋當有一台客離開，佢哋都會即刻用消毒清潔🧽張枱，我覺得呢度值得加分👍🏻煙三文魚明太子扁意粉🍝有少少微辣，令你開胃，扁意粉彈牙，份量啱啱好唔太多亦唔太少。夏威夷海鮮井裏面有三文魚粒同埋吞拿魚粒，切到細細粒，等你容易入口，亦有牛油果蓉，撈埋刺身一齊食，令口感好清新。蕃茄咖喱湯蕃茄打蓉伴咖喱湯，再配一啲茄子，味道口感濃郁。巨峰提梳打陣陣清新嘅巨峰提子味道，配有氣梳打，味道清新一流。