THE PONT

營業中

休息中

星期三晚同老公黎呢間花花餐廳食飯，係甘靚既環境底下食飯，心情都好啲。燒美國安格斯牛腹肉‧薯條‧沙律 (6安士)我見到餐牌寫住無限添加薯條，即刻心心眼，梗係叫個牛扒黎食啦。牛腹肉有牛味，唔會好韌，五成熟鎖住肉汁。薯條非常之脆，就算擺耐左都無損佢既脆度，好犀利，我地refill左一次，都係滿滿一兜。西京燒三文魚三文魚燒得岩岩好，肉質好嫩滑，亦有大量沙律菜伴碟，好味。焦糖麵包布甸上碟係熱架，布甸包住濕潤既麵包，面頭有一層焦糖，配以朱古力雪糕，作為飯後甜品唔錯。