花粉熱 (裝修中)

之前朋友在facebook post過呢間咖啡店"花粉熱"，覺得個名幾得意，又係花店里面既cafe，啲相又好靚咁。所以，今日同朋友特登過黎呢間咖啡店試下。出左太子地鐵站，向花墟方向行過去，大概5分鐘左右就到，唔難搵。店面係賣唔同種類既花草植物，擺設得好靚，好吸睛。當你行入少少就係一間cafe，分兩層。全部枱椅都係木做，同佢店面融為一體。佢有兩層分樓上，樓下，而樓上就全層都係cafe。特登諗住平日三點幾去，以為會無乜人，可以靜靜地坐下。點知去到發現呢間cafe平日都好旺場，樓下人比較多，所以選擇左坐樓上。一上到去，見到地方都好寬敞，有三枱人已經坐低左，食下cake，飲住咖啡。平日呢個鐘數去cafe，真係好少見會咁多人，可想而知，假日黎既話實無位。我叫左杯latte，朋友叫左杯洋甘菊，再加件黑松露朱古力蛋糕。講真，我對杯latte係有啲期待，因為係openrice見啲相好靚，但期望越大，失望越大。首先，天鵝拉花有小小變型，有啲失望其次，咖啡飲落有啲苦澀，奶泡打得唔夠滑。36蚊呢個價唔算太貴，但真係可以做得更加好。朋友既洋甘菊無乜特別，平時既茶包，無乜好評價。朱古力蛋糕係滑，偏甜，中規中舉。