影片
更多
2024-12-17
99 瀏覽
平時見燒烤堂長期full house已經知佢正，今日一試果然名不虛傳。款式多到有選擇困難症，點咗咁多款基本上全部好味，揀幾樣同大家分享： ★ 海鮮 ★想講，所有野加雞皮都level up咗！「紫蘇雞皮蝦」紫蘇味特出、蝦彈牙；「雞皮墨魚滑」外脆內軟，個人幾鍾意呢種口感。「蒜蓉燒廣島蠔」少辣好惹味，幾鍾意個汁。★ 豚肉 ★呢度嘗試將豚肉包住好多野，無花果卷同牛油果卷都唔錯，但個人最愛始終係「鹽燒豚肉荔枝卷」，咬開爆出清甜嘅果汁，有初戀感覺(?!)；「泰式豬頸肉」爽口，青醬好夾。★ 牛肉 ★「鹽燒A4宮崎和牛」油脂香口，就算攤凍咗食都有驚喜★ 雞肉 ★「鹽燒原塊雞皮」大癲，勁薄勁脆食薯片咁；「明太子雞腿肉」肥美。★ 蔬菜 ★「鹽燒日本銀杏」當造一定要叫，煙靱口感有feel；「明太子淮山燒」有驚喜，口感清新，明太子畫龍點晴。★ 其他 ★「焦糖青蘋果鵝肝多士」一定要叫！焦糖多士嘅脆同鵝肝嘅滑好match，青蘋果嘅酸甜中和咗肥膩感，好味；「明太子燒飯團」勁正，大愛飯焦口感，暖嘅明太子醬俾人一種幸福感，包脆脆紙菜好滿足；「柑桔咸蛋黄卷」其實我食唔到咸蛋黄味，不過糖面柑桔幾清新，當甜品食唔錯！注意，呢
★ 海鮮 ★
想講，所有野加雞皮都level up咗！「紫蘇雞皮蝦」紫蘇味特出、蝦彈牙；
「雞皮墨魚滑」外脆內軟，個人幾鍾意呢種口感。
「蒜蓉燒廣島蠔」少辣好惹味，幾鍾意個汁。
★ 豚肉 ★
呢度嘗試將豚肉包住好多野，無花果卷同牛油果卷都唔錯，但個人最愛始終係「鹽燒豚肉荔枝卷」，咬開爆出清甜嘅果汁，有初戀感覺(?!)；
「泰式豬頸肉」爽口，青醬好夾。
★ 牛肉 ★
「鹽燒A4宮崎和牛」油脂香口，就算攤凍咗食都有驚喜
★ 雞肉 ★
「鹽燒原塊雞皮」大癲，勁薄勁脆食薯片咁；
「明太子雞腿肉」肥美。
★ 蔬菜 ★
「鹽燒日本銀杏」當造一定要叫，煙靱口感有feel；「明太子淮山燒」有驚喜，口感清新，明太子畫龍點晴。
★ 其他 ★
「焦糖青蘋果鵝肝多士」一定要叫！焦糖多士嘅脆同鵝肝嘅滑好match，青蘋果嘅酸甜中和咗肥膩感，好味；
「明太子燒飯團」勁正，大愛飯焦口感，暖嘅明太子醬俾人一種幸福感，包脆脆紙菜好滿足；
「柑桔咸蛋黄卷」其實我食唔到咸蛋黄味，不過糖面柑桔幾清新，當甜品食唔錯！
注意，呢度上菜奇快，亦都唔係日本吧枱小居酒屋，所以你點22樣，真係一次過可以上哂22樣俾你，非常建議大家分段嗌，一來可以保持所有野襯熱食，二來試到堅好味有肚再追加比較開心。
張貼
