影片
更多
2021-10-04
325 瀏覽
屏山老地方食肉餅真係街知巷聞，假日就算山旮旯都大排長龍就知好癲，所以今次食評都唔算咩食評，純粹為自己喺呢間舖留過腳毛做個紀錄。今次到訪點咗兩個飯，芝士榴槤煎肉餅飯及松露芝士牛肝菌煎肉餅飯，兩個肉餅做法完全不同。味道☑️☑️☑️☑️☑️論賣相，我點嘅芝士榴槤煎肉餅飯稍勝，一層厚厚金黃色嘅芝士蓋住雙層肉餅，淨係睇都患上急性三高。揭開兩層肉餅之間，吱出一層榴槤肉。老實講，唔食榴槤嘅人真係唔好叫呢味，當你切開肉餅，一支匙羹由芝士層、肉餅層、榴槤層插到落飯底，一啖食落去個味覺好複雜，淡淡嘅芝士味加彈牙肉餅好好食，但有個多事嘅榴槤做架倆走出嚟，甜甜香香又好夾，呢單野真係痴晒線！至於女朋友點嘅松露芝士牛肝菌煎肉餅飯，就係一個典型嘅彈牙肉餅之中，加入好香嘅牛肝菌，仲有少少嘅熱溶芝士喺入面，令味道更豐富。同場加映，跟餐叫咗個椰汁紅豆冰，由於少甜嘅關係，紅豆份量會比正常少，但如果唔鍾意飲甜野的話，呢個份量係幾好，椰汁味大過紅豆味，啱夏天飲。環境☑️☑️☑️呢啲舊店，環境當然唔係靚㗎喇，靚就唔係收你二百幾蚊啦。但⋯⋯坐得ok的。性價比☑️☑️☑️☑️☑️$60幾一個肉餅飯，食到咁多心機喺入面，落樓都係$157，好平啦！
今次到訪點咗兩個飯，芝士榴槤煎肉餅飯及松露芝士牛肝菌煎肉餅飯，兩個肉餅做法完全不同。
味道☑️☑️☑️☑️☑️
論賣相，我點嘅芝士榴槤煎肉餅飯稍勝，一層厚厚金黃色嘅芝士蓋住雙層肉餅，淨係睇都患上急性三高。揭開兩層肉餅之間，吱出一層榴槤肉。老實講，唔食榴槤嘅人真係唔好叫呢味，當你切開肉餅，一支匙羹由芝士層、肉餅層、榴槤層插到落飯底，一啖食落去個味覺好複雜，淡淡嘅芝士味加彈牙肉餅好好食，但有個多事嘅榴槤做架倆走出嚟，甜甜香香又好夾，呢單野真係痴晒線！
至於女朋友點嘅松露芝士牛肝菌煎肉餅飯，就係一個典型嘅彈牙肉餅之中，加入好香嘅牛肝菌，仲有少少嘅熱溶芝士喺入面，令味道更豐富。
同場加映，跟餐叫咗個椰汁紅豆冰，由於少甜嘅關係，紅豆份量會比正常少，但如果唔鍾意飲甜野的話，呢個份量係幾好，椰汁味大過紅豆味，啱夏天飲。
環境☑️☑️☑️
呢啲舊店，環境當然唔係靚㗎喇，靚就唔係收你二百幾蚊啦。但⋯⋯坐得ok的。
性價比☑️☑️☑️☑️☑️
$60幾一個肉餅飯，食到咁多心機喺入面，落樓都係$157，好平啦！
芝士榴槤煎肉餅飯
40 瀏覽
0 讚好
0 留言
芝士榴槤煎肉餅飯
14 瀏覽
0 讚好
0 留言
松露芝士牛肝菌煎肉餅飯
17 瀏覽
0 讚好
0 留言
椰汁紅豆冰
6 瀏覽
0 讚好
0 留言
張貼
