影片
更多
2021-06-26
222 瀏覽
原本喺黃埔嘅漢堡店最近喺大圍開咗分店，餐牌簡單易明，食材選擇多，等啲食客可以自由配搭唔同嘅嘢，包有4款，有bagel🥯、生酮麵包等，醬汁都有5、6款，啱哂花心仔。-我哋嗌咗兩個餐，揀咗牛油漢堡配安格斯牛肉(Single/$46）、焦糖洋蔥(Single/ $5)、牛油果蓉(Single/$12)，配他他醬($6) + A餐($18)，有薯條同可樂。另一份揀咗牛油漢堡配手撕豬🐷（$46）、照燒汁（$5）、焦糖洋蔥以及煙肉（Single/$5)，配C餐（$22），有兩件雞翼加汽水。-牛油漢堡軟熟香口，脆邊，配搭新鮮牛肉，舊肉少肥，有啲筋，有𡁻口、口感豐富、肉味濃但唔騷、滋味非凡😋至於手撕豬唔鞋，同照燒汁好夾，份量適中，唔會好油膩，juicy😉。-最讚係牛油果🥑好厚身，店主好大方，唔會過熟，食落有口感，同他他醬互相輝映（我個組合揀得好😝）-另外，煙肉都好脆、焦糖洋蔥🧅唔會太漏，加埋每個包都會有嘅羽衣甘藍菜，就算食咁大個漢堡都唔會覺得有罪惡感呀‼️-最後，雞翼都好好👍食，有少少似上校嗰隻狂野香燒雞，但更嫩口，唔過咸，兩隻有啲唔夠喉，秒清無影相，唔好意思😅薯條🍟都香脆有薯味，仲有少少堅果嘅香，唔知
-
我哋嗌咗兩個餐，揀咗牛油漢堡配安格斯牛肉(Single/$46）、焦糖洋蔥(Single/ $5)、牛油果蓉(Single/$12)，配他他醬($6) + A餐($18)，有薯條同可樂。
另一份揀咗牛油漢堡配手撕豬🐷（$46）、照燒汁（$5）、焦糖洋蔥以及煙肉（Single/$5)，配C餐（$22），有兩件雞翼加汽水。
-
牛油漢堡軟熟香口，脆邊，配搭新鮮牛肉，舊肉少肥，有啲筋，有𡁻口、口感豐富、肉味濃但唔騷、滋味非凡😋至於手撕豬唔鞋，同照燒汁好夾，份量適中，唔會好油膩，juicy😉。
-
最讚係牛油果🥑好厚身，店主好大方，唔會過熟，食落有口感，同他他醬互相輝映（我個組合揀得好😝）
-
另外，煙肉都好脆、焦糖洋蔥🧅唔會太漏，加埋每個包都會有嘅羽衣甘藍菜，就算食咁大個漢堡都唔會覺得有罪惡感呀‼️
-
最後，雞翼都好好👍食，有少少似上校嗰隻狂野香燒雞，但更嫩口，唔過咸，兩隻有啲唔夠喉，秒清無影相，唔好意思😅薯條🍟都香脆有薯味，仲有少少堅果嘅香，唔知點嚟嘅呢？仲要好大份，真係要再嚟呀✅
張貼
