影片
更多
2024-12-23
53 瀏覽
📍銀廬1933 🔍銅鑼灣恩平道42號亨利中心20樓-----說起Fine Dining，第一時間總令人聯想起西餐或日本餐，而這間川菜卻是顛覆了我的一貫固有印象。作為香港唯一一間以川菜為主題嘅Find Dining，仲攞埋米芝蓮一星同大眾點評黑珍珠一鑽餐廳，環境、服務、同食物水準都好令人滿意。.侍應在上菜時會為每一道菜式作介紹，從食材來源、烹飪手法到味道特點，都娓娓道來，令客人對每道菜背後嘅故事都更加了解。.環境方面，純白嘅裝潢，有種高貴典雅嘅感覺，加上私隱度高，所以都吸引唔少名人幫襯。.🍸荔枝乳酸 Cocktail雞尾酒帶荔枝甜香及乳酸嘅微酸，口感清爽不膩，酒精濃度不高，幾開胃。.🥢涼菜四宮格胭脂蘿蔔、鮮椒雞樅菌、燈影魚片、醬香鴨舌粉色的胭脂蘿蔔口感爽脆，酸甜酸甜的；雞樅菌帶濃郁椒香，一絲絲的，口感不錯；燈影魚片則是以經典川菜燈影牛肉的做法製成的魚片，片薄如紙，帶著微微辣香，好適合佐酒；鴨舌非常入味，醬香味恰到好處，不會太鹹。🥢魚子醬甜蝦雞牛湯凍唔講唔知，原來四川係世界三分之一魚子醬嘅生產地。魚子醬搭配雞牛湯凍，入口鮮甜滑溜，每一口都有精華所在嘅感覺，幾驚喜。🥢蝴蝶花膠湯湯頭非常清澈，
🔍銅鑼灣恩平道42號亨利中心20樓
-----
說起Fine Dining，第一時間總令人聯想起西餐或日本餐，而這間川菜卻是顛覆了我的一貫固有印象。作為香港唯一一間以川菜為主題嘅Find Dining，仲攞埋米芝蓮一星同大眾點評黑珍珠一鑽餐廳，環境、服務、同食物水準都好令人滿意。
.
侍應在上菜時會為每一道菜式作介紹，從食材來源、烹飪手法到味道特點，都娓娓道來，令客人對每道菜背後嘅故事都更加了解。
.
環境方面，純白嘅裝潢，有種高貴典雅嘅感覺，加上私隱度高，所以都吸引唔少名人幫襯。
.
🍸荔枝乳酸 Cocktail
雞尾酒帶荔枝甜香及乳酸嘅微酸，口感清爽不膩，酒精濃度不高，幾開胃。
.
🥢涼菜四宮格
胭脂蘿蔔、鮮椒雞樅菌、燈影魚片、醬香鴨舌
粉色的胭脂蘿蔔口感爽脆，酸甜酸甜的；雞樅菌帶濃郁椒香，一絲絲的，口感不錯；燈影魚片則是以經典川菜燈影牛肉的做法製成的魚片，片薄如紙，帶著微微辣香，好適合佐酒；鴨舌非常入味，醬香味恰到好處，不會太鹹。
🥢魚子醬甜蝦雞牛湯凍
唔講唔知，原來四川係世界三分之一魚子醬嘅生產地。魚子醬搭配雞牛湯凍，入口鮮甜滑溜，每一口都有精華所在嘅感覺，幾驚喜。
🥢蝴蝶花膠湯
湯頭非常清澈，蝴蝶狀的魚蛋彈嫩細膩，貌相好精緻。花膠厚身彈牙，加上自家製嘅山椒精油，為湯頭增添絲絲清新麻香，好特別。
🥢宫保蜀南竹胎兒鵝肝
竹胎兒其實是竹筍心，咬落脆脆嫩嫩的，宮保鵝肝口感好特別，外層是焦脆嘅硬糖皮，內層則是嫩口鵝肝，整個配搭都好有創意。
🥢大千乾燒關東參
關東參的膠質滿滿，食得出食材用料上乘，帶胡椒香氣嘅醬汁濃郁而不膩，加上粒粒炸杏鮑菇，增添香味，口感味道都無咩挑剔。
🥢甜蜜豆百合
甜蜜豆同百合都非常鮮甜清脆，清新解膩，正好調節大千乾燒關東參嘅濃郁口味，繼而再進入下一道菜式。
🥢土罐貢椒乳鴿
乳鴿好肥美，以四川節日常用的土罐烹製而成，肉質鮮嫩，外皮香脆之餘，肉質好嫩滑，川貢椒嘅麻香完全滲入於乳鴿之中，帶黎微麻嘅刺激感，高質。
🥢青椒汁沸騰鮑魚
呢道青椒汁沸騰鮑魚辣度較高。青椒汁嘅鮮辣濃郁有滲透到鮑魚當中，加上索汁嘅滑溜米線，辣得好過癮，但同時無掩蓋鮑魚嘅鮮味。
🥢老鹽菜煨飯
喜愛川菜的話，應該對四川老鹽菜不會太陌生，類似菜乾的口感，加上自帶獨特鹹味，令到整個米飯油潤鹹香，忍不住
🍵餐後椒茶
椒茶帶淡淡花椒香氣，極微的辣味，沒有半點嗆感，但卻非常暖身，好有特色。
🍨怪味雪糕
將川菜經典嘅“怪味”融入雪糕，酸、甜、麻、辣，加上濃厚奶香，本來以為會很怪，結果整個味道卻是驚喜地合拍。
🍫馬卡龍、杏仁薄脆、花椒朱古力
甜品盤在一堆乾冰點綴下上桌，仙氣滿瀉的感覺，非常吸睛。每一款都食到花膠味道，完美為這個以“花椒”為主題嘅晚餐收結。當中最得我心嘅係馬卡龍，檸香混合獨特花椒香味，加上入口即化嘅口感，比許多酒店馬卡龍水準更佳。
張貼
