Coffee Hwajeon 커피화전

營業中

休息中

喺圓方嘅呢間韓式咖啡店，以韓國傳統花煎餅作主題，有部份係榻榻米座位，好有氣氛；亦有唔少打卡位，鍾意韓系文化就啱晒啦！ 半半炸雞揀咗甜辣同芝士口味，炸雞肉汁豐富，啱啱炸起好香脆。要讚下個薯條，粗切得嚟好厚實，好香薯仔味。 藥菓肉桂楓糖咖啡藥菓係韓國傳統點心，其實冇中藥成份，係花造型嘅蜂蜜麵菓。咖啡creamy，肉桂味好重。 盛放花開燕麥奶有驚喜！花味好香，遠遠已經聞到。燕麥奶甜甜哋，好飲。 薑餅人過聖誕牛角包窩夫好澎湃！有四層，cream嘅份量剛剛好，加上係牛角包窩夫，唔會太膩。 香濃伯爵茶刨冰另一個澎湃嘅甜品！外面係伯爵茶奶蓋，裡面係伯爵茶醬同布甸。非常清爽，啖啖都係好香嘅伯爵茶味。