鮮入圍煮花膠雞海鮮火鍋

營業中

休息中

花膠雞煲一向係女人嘅最愛， 滋潤養顏，上openrice一睇，呢度嘅花膠雞咁多好評，即刻黎！！！！！！叫左個花膠雞煲，唔係講笑，D花膠勁大塊！而且唔止一塊！啲花膠滑嫩鮮甜，湯頭濃郁滋味。加埋打邊爐，可以突出花膠嘅鮮味，絕對係我最愛嘅選擇！D雞好滑，我地兩個人可以食晒成隻。唔好忘記試下啲豬肉片同牛肚丸，豬肉片鮮嫩多汁，牛肚丸彈牙有嚼勁，而且出面好少見，牛肚丸入面真係有一舊牛肚，而且好香胡椒味，值得試！ 最特別嘅係牛骨髓，好滑，好似食豆腐一樣，令人讚不絕口！竹筍清甜爽脆，配搭燉湯或打邊爐，真係一絕！響鈴都係打邊爐必食嘅食物，響鈴完全索晒d湯汗，都真係一定要叫！！整體黎講好適合聚會黎食，可以試更加多唔同嘅食物。