喜馬當先

營業中

休息中

想去食好耐，因環境吸引，英倫特式。搭火車馬場站落車，好多人，全部同一方向，入到去馬場入閘，向住喜馬當先餐廳入口，－入去，職員非常有禮貌，安排入座，座位位置早已在網上付款及選擇。有梳化座位。職員衣著是騎馬裝，吊帶恤衫西褲皮鞋。帶我們坐低並講解有咩食。食物方面：沙律菜兩款，已撈好醬、刺身四款：三文魚、吞拿魚、馬背及甜蝦。芝士２款，生果：西瓜、菠蘿、蜜瓜。仲有湯、奄列，橙汁free flow 至1330。之後自選4 course, 湯自斟、 頭盤我揀咗三文魚他他、 主菜我揀咗咖哩雞配酥餅 ，鱸魚加三十甜品揀咗士多啤梨慕絲。食完超飽。 得閒又行出去睇下跑馬都幾得意 ！感受吓現場氣氛！整體嚟講好滿意呢一餐，食物質素始終馬會唔會差得去邊，我都會再嚟。