幸福麵館

營業中

休息中

星期六，下午茶時間，大把位。經過見到呢間好搶眼嘅面檔而且食評唔差就入去試吓。四餸車仔麵：油麵配冬菇、魚腐、蘿蔔、豬軟骨。首先油麵係冇鹼水味同埋幾腍，好似浸咗喺湯一段時間咁發咗少少。我覺得油面要有少少鹼水味先好食，份量好多但下次唔會再揀油麵。其實啲餸嘅味道都唔錯，最好食嘅餸係魚腐，蘿蔔少少鮮甜，再腍啲會好啲，豬軟骨腍嘅程度剛好。其實每種餸嘅量都好參差，冬菇得嗰細細嘅兩粒，蘿蔔就超級大嚿。煎釀三寶：我淨係食咗茄子同埋紅腸，茄子好食，真係有脆邊，唔會太鹹，但紅腸就真係鹹咗少少。其實整體都唔錯，只係油麵真係唔掂 。