茶木‧台式休閒餐廳 (創紀之城五期(apm))

營業中

休息中

茶木分店越開越多，一於試下觀塘APM的分店~好耐冇去茶木，估唔到餐牌多左好多選擇，而且價錢都合理，就算轉台式特選套餐加$30，但多左飲品同蛋糕/沙律都唔止D個價，所以基本上都係預左你會轉餐的。所以最後叫左個古早味三杯雞(套餐) 同試台灣野點可以冇紅燒牛肉麵同珍珠奶茶。古早味三杯雞 - 跟餐有白飯同沙律，沙律分量少左D ，但個白飯都足夠的。三杯雞夠熱，雖然雞翼細隻D ，但味道唔錯。紅燒牛肉麵 -麵條爽勁有咬口，牛肉香濃嫩滑，而且唔算太油，連朋友都讚不絶口。珍珠奶茶 - 雖然係熱飲，但都好甜下，同埋冇飲管吸珍珠，真係用匙羹「不」到手軟，建議珍珠奶茶叫返凍飲啦！整體而言，茶木品質係唔錯，但價錢都唔平，偶爾為之一試就可以啦。