茶木‧台式休閒餐廳 (Citylink)

營業中

休息中

排咗 5－10 分鐘左右，輪候到我哋嘅時候店員都有貼心提醒番窗邊座位有啲曬，問返我哋介唔介意。純粹想食個 quick lunch，每人點咗一個主食加飲品，未有時間食埋個甜品。檸檬柳丁梳打個杯係幾靚嘅 “Feel Teawood, Feel Natural”，味道就毫無特別。熱帶果茶 用作紅茶底，另外材料好豐富，有西瓜、火龍果、檸檬、柳丁等等，而且仲好大壺，早知叫一壺兩份分算啦。紅燒牛肉新竹米粉 通常食紅燒牛肉麵，今次試下轉新竹米粉，米粉較容易吸收湯底嘅精華，又幾好喎～ 紅燒牛肉依然軟淋淋，烹調得非常入味。蚵嗲肉碎泡飯本身太鍾意食蚵仔煎，所以友人特登點咗呢個蚵嗲肉碎泡飯俾我試下。起初感覺泡飯同小食蚵仔煎相差太遠，同埋好似食粥咁，以為會唔鍾意。上菜時店員奉上胡椒粉俾客人自行調味，蚵仔隻隻肥美飽滿而且數量多，幾乎一啖一隻，反而食落幾吸引。