茶餐廳2.0 (已結業)

不嬲中意食茶餐廳，搵野食時見到呢間個名幾得意，想睇下茶餐廳究竟可以點樣2.0，決定去試下😽重點推介💯👍 咖喱豬扒配農夫包大大個農夫包，入面放咗芝士咖喱豬扒去焗。農夫包香脆，配上微辣咖喱豬扒同拉絲芝士好惹味。豬扒軟腍，唔會咬唔開。👍 照燒雞扒咖喱蛋包飯比佢嘅旋風蛋包飯吸引，大大塊滑蛋舖係飯上面，形狀卷到旋風咁好有心思。同樣係咖喱飯，呢款咖喱偏日式咖喱，唔辣偏甜。📍茶餐廳2.0荃灣青山道398號愉景新城第二層2029號舖