添添

營業中

休息中

有時懶既話會去添添買兩餸飯返屋企食，最近發現佢系對面開左餐廳，可以直接坐低食，所以搵日吾煮飯同屋企人去食。黑醋金沙骨 $85呢個金沙骨食落去有層薄薄既脆口感，炸粉非常少，金沙骨都多肉，連少少脂肪，食落夠腍吾鞋，黑醋味調較得幾好，吾會好酸。茄子班腩煲 $88份量都多，班腩大大件，無骨，炸粉會相對厚少少，茄子煮得夠腍，味道吾會好咸，略嫌底下比較多油。豉椒排骨炒河 $60呢個價錢包埋飲品都算差唔多，河粉份量超多，有微微炒乾過，然後再炒三色椒同排骨，加個芡淋落河粉到，有啲似濕炒河既feel，排骨都多肉。跟餐有老火湯同飲品。呢度每張枱都會放定啲杯同水壺，吾洗成日搵人拎，幾好！