老鳳冰室 (已結業)

而家茶記勝在多花款，唔似以前咁來來去去餐蛋麵，廢飯。今日呢間勁，竟然有原個椰皇燉湯！咁滋陰健康梗係點呢味試試！ 配埋肉燥飯$78都合理～肉燥飯味道唔錯唔會太油或太鹹，送飯一流如果個飯底用靚d既米會更好，以家食落有點鞋口。對個湯期望高左，一黎黑麻麻有點....唔開胃個湯色清澈但味唔夠濃，燉湯應該要有鮮味同濃縮左材料既精華既感覺，但呢個飲落就唔夠時間咁，到喉唔到廢。不過又公道啲咁講呢度係茶記，唔係茶樓，唔係咩專門店，咁其實都算正常。另外仲點了日式黑咖喱雞皇飯，都係普通日式咖喱囉！ 整體正正常常，街坊生意咁。