遊園

營業中

休息中

遊園·茶記除左人氣的海量芫茜車仔麵之外，原來仲有質素不錯的潮州滷水，小菜的選擇亦都唔少。滷水鵝入味肉質夠腍，肥美的鵝腸真係好邪惡，每一條都夾著一點肥膏，但就未算非常入味。生炒臘味糯米飯用熱騰騰的砂鍋上，臘味炒得乾身香味撲鼻，糯米飯粒粒分明口感煙韌，仲要有香脆的飯焦，確實非常滋味。同樣都係用煲仔上的薑蔥粉絲蝦充滿九層塔的香味，薑蔥同粉絲吸收哂蝦的鮮味，粉絲比蝦更美味。最後唔少得傳統的潮州甜品反沙芋，芋頭炸得鬆軟，表面沾上一層脆糖，絕對係一味很花工夫的菜式。