金記冰室 (建新中心)

營業中

休息中

呢排天氣太熱，熱到連入廚房煮嘢食嘅意欲都無，每次入廚房開爐簡直覺得好似開咗個桑拿房一樣，咁情況下記選擇同媽媽出街食飯。今次嚟咗金記點咗三樣，包括：- 豉汁蒸䱽魚- 客家沙薑雞- 鐵板西冷扒豉汁蒸䱽魚同鐵板西冷扒都係套餐，有飯有湯，但晚上唔食碳水化合物就走咗飯/薯條。客家沙薑雞嘅雞嘅肉質鮮嫩，沙薑味濃郁！豉汁蒸䱽魚蒸到剛剛熟，肉質嫩滑，豉汁個香味連我唔食魚都覺得好香。鐵板西冷扒個份量大到應該都有16oz咁大，但個價錢都係收$108，如果喺扒房食，呢塊扒個價錢起碼x4呢餐大滿足，飽到行咗去又一城行街消化吓。