影片
更多
2024-05-28
2936 瀏覽
作為意大利粉🇮🇹達人，必定認識大坑呢個好地方，因為呢處簡直係我哋嘅天堂🙌🏻 附近周圍都係西餐廳、cafe同酒吧，琳琅滿目嘅菜式任君選擇，睇見我都想流口水，每次嚟親都可以搵到好嘢食。nocino 呢間係網絡紅店，出名物有所值，CP值高，瑞士意大利菜Lunch Set每人都係$148/ $168 (未計加1) ，包1款前菜、pasta加甜品，如果帶多兩個friend嚟就可以試晒成個lunch menu。我同朋友係網上訂座預約咗weekday lunch，等咗好幾個星期先有位，用餐時間限制1小時，我當天不幸地遲到冇得改時間，認真串嘴，所以我地一於一試究竟，到底係咪真係好味到，值得我哋等咁耐呢？Wagyu Beef Tartare (Appetizer)Milk Aioli - 用大蒜、雞蛋和橄欖油製成，有啲似平時我哋食開嘅蛋黃醬，裝飾為主。Roasted Celeriac - 一粒粒西芹頭提升吞拿魚嘅質感，更爽口。Crispy Potato - 一條條脆脆薯條平衡吞拿魚本身嘅清淡油膩感，令前菜唔會太膩，多重層次。Arancini Ticinese (Appetizer)呢款炸意大利飯團，內餡
nocino 呢間係網絡紅店，出名物有所值，CP值高，瑞士意大利菜Lunch Set每人都係$148/ $168 (未計加1) ，包1款前菜、pasta加甜品，如果帶多兩個friend嚟就可以試晒成個lunch menu。我同朋友係網上訂座預約咗weekday lunch，等咗好幾個星期先有位，用餐時間限制1小時，我當天不幸地遲到冇得改時間，認真串嘴，所以我地一於一試究竟，到底係咪真係好味到，值得我哋等咁耐呢？
Wagyu Beef Tartare (Appetizer)
Milk Aioli - 用大蒜、雞蛋和橄欖油製成，有啲似平時我哋食開嘅蛋黃醬，裝飾為主。Roasted Celeriac - 一粒粒西芹頭提升吞拿魚嘅質感，更爽口。Crispy Potato - 一條條脆脆薯條平衡吞拿魚本身嘅清淡油膩感，令前菜唔會太膩，多重層次。
Arancini Ticinese (Appetizer)
呢款炸意大利飯團，內餡有蘑菇同芝士，後者比例仲多過Risotto添，食落一啲都唔油膩同口乾，質感仲有啲似炸薯仔添。原來前菜和牛吞拿魚配炸飯團都幾夾。
Nduja Reginette (Pasta)
手工波浪麵味道方面十分之惹味搶口，感覺有啲似食緊韓國辛辣麵🌶️，但麵質再彈牙啲，長長嘅麵條撈埋辣醬汁，再散上一絲絲淡芝士，中和到少少辣味，變咗高級版撈麵😂我就對呢款麵出現係西餐廳有所保留，因為呢個世界唔會有人對即食麵抗拒掛？
Duck Ragu Creste Di Gallo (Pasta)
呢款花邊手工通心意粉形狀幾特別，將鴨肉汁鎖係空心嘅意粉裏內，加上鴨肉本身容易overcook變老，所以廚師以鴨肉絲處理，既可以保留肉質嫩滑又可以掛汁，別出心裁👍🏻但由於Nduja Reginette味道太濃太搶，變咗呢款意粉表現係相比下淡味一啲，有啲失色，不過都好好食😋
Odette's Tiramisu
正常發揮，普通甜品，冇咩Rum酒味。
總結，呢間以Lunch Set $200以下，但包含咁多瑞士意大利菜嚟講，性價比好高，上菜速度猶如本地茶餐廳。餐廳環境少少逼，以木傢俬作餐枱，但咁啱我果張似二手木材，枱上有幾條深深裂痕，見到侍應其實好難清理乾淨，有殘留污垢😅但以咁繁忙嘅西餐廳嚟講，大致上服務態度都可以😌
Wagyu Beef Tartare
$168
19 瀏覽
0 讚好
0 留言
Arancini Ticinese
17 瀏覽
0 讚好
0 留言
Nduja Reginette
$168
41 瀏覽
2 讚好
0 留言
Duck Ragu Creste Di Gallo
$168
69 瀏覽
1 讚好
0 留言
Odette's Tiramisu
19 瀏覽
1 讚好
0 留言
張貼
