瀛燒居酒屋

營業中

休息中

雞皮餃子：雞皮整得幾薄，炸得香脆又帶點煙韌，內餡滿滿，食落唔油膩。自家手作雞肉棒：雞肉棒size 幾大支，有肉汁，點上蛋黃同醬汁，蛋黃令口感更嫩滑，味道香濃。牛舌芯：鍾意厚切牛舌有口感，牛味香濃，唔韌內裏柔軟。雞肝：沒有內臟腥味，烤得剛好，外皮微微焦香，入面粉粉的。炸秋葵+冬菇：炸皮又薄又香脆，秋葵炸得乾身，冇菜青味，食落唔會濕濕淰淰。冬菇肉厚，肉嫩juice。伊佐木刺身：原條魚上檯，打卡一流。肉質結實有口感，唔係魚油味重嘅魚，反而係鮮甜爽口。可以wasabi 配醬油，另外有薑蓉、蘿蔔蓉，蔥花同酸汁提供。比較喜歡點少少酸汁，感覺更清新。辛味噌牛筋鍋：牛筋牛腩份量十足，還有不少蔬菜同薯粉，滿滿一鍋大滿足。薯粉吸收湯汁後變得QQ又入味，好食。野飲叫左青蘋果特飲同生啤。呢度環境充滿日本風情，座位闊落，同朋友吹水邊食邊飲非常舒服。