燒烤堂

營業中

休息中

啲朋友成日話返大陸食燒烤串燒好平，其實我覺得呢間燒烤堂都係好介紹，味道好之餘，裝修又高質，之前食過中環分店，簡直念念不忘，今次去嚟荃灣分店我食。必定必定要嗌焦糖青蘋果鵝肝多士，超級正，係我食過最大嚿嘅鵝肝，有我手掌咁大，塊鵝肝同塊多士一樣咁大，又超厚身，一啖咬落去充滿油香，食一件都飽咗一半，中間夾埋片青蘋果仲可以解解油膩感。蒜蓉燒廣島蠔都係食串燒必點，廣島蠔夠鮮味又飽滿，配蒜蓉係最好味。串燒款式好多，真係樣樣都想試，職員仲好貼心俾個爐我熱住啲串燒。