饞。台式食堂 (如心廣場二期)

營業中

休息中

星期日lunch去咗荃灣一間台式料理，見好多人排隊貌似唔錯。餐廳環境光猛整潔，店員服務幾好👍🏻 海鮮芋頭米粉湯 $88呢碗米粉配餸幾豐富，有海蝦，魷魚，大量肉碎，菇，米粉份量好多，清淡得來又唔會完全冇味。配咗台式酸辣湯，湯裏有豆腐絲，木耳絲，質地濃稠，酸酸地但冇咩辣味。鹽穌雞$66 +$10 轉滷肉飯鹽穌雞粒好脆口，有小小焦香味，份量都幾多，仲好大粒。而滷肉飯就好有台式風味，滷肉味道醬香味濃。揀咗配甜品係青檸愛玉凍，酸甜冰涼，正可以中和一下口中嘅肥膩。手工黃金泡菜$25韓國泡菜就食得多啦，台灣泡菜好似好小食。好似比韓國泡菜更好味。清脆爽口嘅口感同滑順嘅酸味，令我一食就愛上了。珍珠奶茶 跟餐$14男朋友話珍珠奶茶幾有台式風味，唔會係死甜味。蒟蒻球白桃烏龍 跟餐$12烏龍茶味濃香，加上蒟蒻球嘅煙韌彈牙，飲落帶有一點口感。