影片
更多
2023-10-25
163 瀏覽
今日同朋友去咗荃灣行街，到食晚飯嘅時間就去附近搵吓有乜嘢食，朋友記得有一間有川菜、有串燒，仲有歌聽同酒飲嘅餐廳。這間餐廳叫漁樂場，位於荃灣眾安街55號大鴻輝中心6樓，餐廳環境都唔錯，每一張枱都夠闊落，座位又坐得舒服，樓底高舞台大，仲有好多專業設備嘅音響，亦有駐場歌手唱歌，亦可點歌聽及上台唱，真係氣氛熱鬧。我哋最先叫川菜，皇牌蕂椒烤江團魚，江團魚比鯰魚滑嫩，肉質更緊致，而且冇草腥味，亦都少細骨肉又滑，條烤魚都配上濃郁醬料，魚肉鮮嫩多汁，外層烤至金黃酥脆，每一口都能感受到魚肉的鮮味和醬料的香氣，加上條魚都好大條，夠哂我哋兩個人食，但個湯汁味真係好正，魚夠我哋都加多個川粉落去享受埋個湯汁。跟住就叫串燒，叫咗燒茄子、燒牛肉及燒海蝦。燒茄子都好好味，茄子燒得熟透亦保留到濕潤嘅茄子肉，真係好嫩滑多汁，而且茄子加咗香蔥、蒜蓉、芝麻更加入味，真是香噴噴及入口熱辣辣。而燒孜然牛肉有5串好抵死，牛肉燒到啱啱好肉質仲好嫩滑，牛肉嫩紅，唔會過熟，保留左牛肉嘅肉汁，入口牛肉味仲有香濃孜然味，加上芝麻同辣味粉更增添味道層次。燒海蝦就要必點，一碟4隻又係好抵食，食得出隻蝦非常新鮮，炭燒後肉質依然保持爽口彈牙，加上蝦
這間餐廳叫漁樂場，位於荃灣眾安街55號大鴻輝中心6樓，餐廳環境都唔錯，每一張枱都夠闊落，座位又坐得舒服，樓底高舞台大，仲有好多專業設備嘅音響，亦有駐場歌手唱歌，亦可點歌聽及上台唱，真係氣氛熱鬧。
我哋最先叫川菜，皇牌蕂椒烤江團魚，江團魚比鯰魚滑嫩，肉質更緊致，而且冇草腥味，亦都少細骨肉又滑，條烤魚都配上濃郁醬料，魚肉鮮嫩多汁，外層烤至金黃酥脆，每一口都能感受到魚肉的鮮味和醬料的香氣，加上條魚都好大條，夠哂我哋兩個人食，但個湯汁味真係好正，魚夠我哋都加多個川粉落去享受埋個湯汁。
跟住就叫串燒，叫咗燒茄子、燒牛肉及燒海蝦。燒茄子都好好味，茄子燒得熟透亦保留到濕潤嘅茄子肉，真係好嫩滑多汁，而且茄子加咗香蔥、蒜蓉、芝麻更加入味，真是香噴噴及入口熱辣辣。而燒孜然牛肉有5串好抵死，牛肉燒到啱啱好肉質仲好嫩滑，牛肉嫩紅，唔會過熟，保留左牛肉嘅肉汁，入口牛肉味仲有香濃孜然味，加上芝麻同辣味粉更增添味道層次。燒海蝦就要必點，一碟4隻又係好抵食，食得出隻蝦非常新鮮，炭燒後肉質依然保持爽口彈牙，加上蝦頭香濃嘅蝦膏，鮮甜無比，真好食。最後叫咗個小食辣子雞，都幾乾夠辣，外脆內嫩，辣味和麻味完美融合，帶來一種舌尖上的刺激感。
飲品朋友就叫咗霸氣芒果冰沙，有芒果的濃郁香甜，亦有冰沙的口感清爽，給人帶來無限的涼意和滿足感，又大大杯好抵飲。我就叫酒飲，叫咗碳酸蜜瓜精釀啤酒，真係好適合女仕飲嘅啤酒，蜜瓜味重，甜甜地好易入口，又係大大杯好配合食烤魚同串燒。
這間餐廳除咗有美食之外，仲會有歌手現場表演，一路食一路聽唱歌，感覺好開心。我下次再來食，必定再帶其他朋友來，因為香港少見令人咁開心嘅餐廳。
張貼
