夜燒站

營業中

休息中

夜麻麻去荃灣搵嘢食都無難度，呢間串燒店開到凌晨12點，啱哂夜遊人食宵夜呀。餐廳裝飾都幾有日本居酒屋feel，坐得舒適，每張枱都有個布袋，俾客人放置個人物品，非常貼心。串燒即叫即燒，QR code落單後要耐心等待呀。原條肉碎茄子茄子好大條，一絲絲茄子肉軟稔入味，肉碎份量多，讚月見免冶雞肉軟骨棒蛋汁醬汁比例唔錯，如雞肉棒內有更多軟骨，口感會更佳汁燒牛舌尖牛舌尖比想像大件同厚身，有咬口，但味道稍鹹。鹽燒牛骨髓外面比較少見嘅牛骨髓，本身無咩味，燒完外脆內軟，估唔到嘅口感。豬肉荔枝卷薄切豬肉包住完整去核荔枝肉，一入口荔枝嘅清甜味衝擊味蕾，大讚呀炸七味雞軟骨炸得非常脆，唔會太油，而且大大份，佐酒一流燒櫻花蝦飯團櫻花蝦帶有鹹香，飯團外面香脆，對飯焦情有獨鍾嘅我，燒飯焦係必點item。芝士流心蛋大啡菇燒芝士，流心蛋，炒過嘅洋蔥同大啡菇，食落有層次，配搭一流，必食推介。焦糖菠蘿又酸又甜夠清新女城主純米大吟釀食串燒當然唔少得飲2杯啦，呢款米酒帶有香醇的果香，口感舒暢，較易入口，有清涼透心嘅感覺，配合串燒都唔錯。服務親民細心，價錢貼地，免收加一，性價比高，唔錯。