影片
更多
2023-02-28
29 瀏覽
呢間喺深水埗迷你毛嘅姊妹店，佢係喺荃灣南豐紗廠嘅Kobane。呢度主打日西fusion料理，同埋有超高質手工甜品。雞白湯叉燒手造意麵佢哋啲意麵今日經已賣晒，所以轉咗烏冬，因為意麵係全人手製作，數量有限，想試嘅要趁早。湯底係傳統雞白湯，有濃郁嘅雞味，但唔會令人有好重嘅負擔，用嚟配彈牙嘅烏冬都好啱。而配料有勁大塊嘅叉燒，有一粒超水準嘅糖心蛋。叉燒口感軟腍，又夠入味，而糖心蛋有流心效果，蛋黃超級香甜，令人一食上癮。壽喜燒牛肩肉鹿茸菇燴飯呢個燴飯用嘅係壽喜燒汁，未上檯都經已聞到香甜嘅味道，令人流哂口水，而賣相亦都好吸引，見到有好多嘅牛肩肉同埋有一隻溫泉蛋。燴飯本身有鹿茸菇，口感經已十分之豐富，仲有陣陣菇菌嘅獨特香味，而再將燴飯、牛肉同蛋撈勻一齊食，蛋汁會令燴飯口感更加Creamy，亦令牛肉更加嫩滑。呢度嘅甜品真係無得輸。好有心機同超好食，甜品控一定一定要嚟試。意大利芝士餅雖然好多地方都會有tiramisu，但呢度嘅有別於傳統，首先佢嘅賣相都好特別，以半圓拱形呈現。外面係口感輕盈，食落好有空氣感嘅mascarpone cheese cream。而表面灑上脆脆口感嘅crumble脆粒同咖啡粉，而入
呢間喺深水埗迷你毛嘅姊妹店，佢係喺荃灣南豐紗廠嘅Kobane。呢度主打日西fusion料理，同埋有超高質手工甜品。
雞白湯叉燒手造意麵佢哋啲意麵今日經已賣晒，所以轉咗烏冬，因為意麵係全人手製作，數量有限，想試嘅要趁早。
湯底係傳統雞白湯，有濃郁嘅雞味，但唔會令人有好重嘅負擔，用嚟配彈牙嘅烏冬都好啱。而配料有勁大塊嘅叉燒，有一粒超水準嘅糖心蛋。叉燒口感軟腍，又夠入味，而糖心蛋有流心效果，蛋黃超級香甜，令人一食上癮。
壽喜燒牛肩肉鹿茸菇燴飯呢個燴飯用嘅係壽喜燒汁，未上檯都經已聞到香甜嘅味道，令人流哂口水，而賣相亦都好吸引，見到有好多嘅牛肩肉同埋有一隻溫泉蛋。燴飯本身有鹿茸菇，口感經已十分之豐富，仲有陣陣菇菌嘅獨特香味，而再將燴飯、牛肉同蛋撈勻一齊食，蛋汁會令燴飯口感更加Creamy，亦令牛肉更加嫩滑。
呢度嘅甜品真係無得輸。好有心機同超好食，甜品控一定一定要嚟試。
意大利芝士餅雖然好多地方都會有tiramisu，但呢度嘅有別於傳統，首先佢嘅賣相都好特別，以半圓拱形呈現。外面係口感輕盈，食落好有空氣感嘅mascarpone cheese cream。而表面灑上脆脆口感嘅crumble脆粒同咖啡粉，而入面就有經已浸透咗杏仁酒嘅lady finger同埋底層嘅朱古力，係一款好多層次嘅titanium。
士多啤梨接骨木沙冰配羅勒雪糕甜品外形好的骰，最表面係士多啤梨接骨木沙冰，好清新嘅羅勒做成嘅雪糕，雪糕邊仲有新鮮士多啤梨果肉，脆卜卜嘅朱古力脆脆，再下一層係香甜嘅士多啤梨果醬，之後仲有接骨木啫喱同埋最底層有雲呢拿奶凍。呢個甜品好有迷你毛嘅特色，一個小小嘅甜品，內層好多心思同好多不同嘅層次，令口感味道都變得好豐富。
洛神花柚子梳打好有柚子茶嘅味道，但加咗洛神花糖漿，令梳打賣相更加美觀，亦令味道層次變化更多。
黑醋栗凸頂柑梳打
凸頂柑嘅味道好有柑味，配埋黑醋所帶嘅酸甜，令整杯梳打更加清爽。
張貼
