影片
更多
2024-03-27
69 瀏覽
摩登堂今次要介紹荃灣一間喺荃灣廣場嘅泰式餐廳「摩登堂」，無記錯荃灣廣場喺荃灣嚟講係第一間商場，舊時荃灣廣場有一個音樂噴泉，不過而家拆走哂，淨返大型連鎖店進場！如果輪椅人士要搭升降機要留意層數，得一部升降機先可以上三樓，入面都好闊落，燈光光猛，有卡位同普通座位，叫嘢食係用QR Code落單，仲有機械人幫手送菜去食客位置！1.摩登堂A5日本和牛船粉$108+元祖泰奶茶700ml（加珍珠）$9+芋泥芋蓉雪糕$28+追加兩款小食（2串沙嗲串燒雞肉和2件網米蝦春卷）$48（9/10）呢個A5日本和牛船麵個和牛有得揀半生半熟或全熟，我就揀咗和牛半山半熟，麵就揀咗金邊粉，估唔到金邊粉都掛到汁，入面仲有勁多配料有豆卜、約10片日本和牛、2粒貢丸、紅蘿蔔絲、洋蔥、芽菜、半隻雞蛋同豬油渣等，份量超級豐富！元祖泰奶茶：我加咗$3加珍珠，珍珠煙韌，奶茶略甜，一定要叫少甜，算好飲！芋泥芋蓉雪糕：呢個雪糕芋泥芋蓉勁多，香芋味濃，雲呢拿雪糕夠滑唔甜！我仲追加咗兩款小食，叫咗2串沙嗲串燒雞肉和2件網米蝦春卷，個雞肉串沙嗲香爐，雞肉嫩滑，網米蝦春捲炸得夠脆，入面有一隻蝦，蝦肉彈牙，仲好似有紫菜！2.星加坡炒貴刁 配冬瓜
今次要介紹荃灣一間喺荃灣廣場嘅泰式餐廳「摩登堂」，無記錯荃灣廣場喺荃灣嚟講係第一間商場，舊時荃灣廣場有一個音樂噴泉，不過而家拆走哂，淨返大型連鎖店進場！
如果輪椅人士要搭升降機要留意層數，得一部升降機先可以上三樓，入面都好闊落，燈光光猛，有卡位同普通座位，叫嘢食係用QR Code落單，仲有機械人幫手送菜去食客位置！
1.摩登堂A5日本和牛船粉$108+元祖泰奶茶700ml（加珍珠）$9+芋泥芋蓉雪糕$28+追加兩款小食（2串沙嗲串燒雞肉和2件網米蝦春卷）$48（9/10）
呢個A5日本和牛船麵個和牛有得揀半生半熟或全熟，我就揀咗和牛半山半熟，麵就揀咗金邊粉，估唔到金邊粉都掛到汁，入面仲有勁多配料有豆卜、約10片日本和牛、2粒貢丸、紅蘿蔔絲、洋蔥、芽菜、半隻雞蛋同豬油渣等，份量超級豐富！
元祖泰奶茶：我加咗$3加珍珠，珍珠煙韌，奶茶略甜，一定要叫少甜，算好飲！
芋泥芋蓉雪糕：呢個雪糕芋泥芋蓉勁多，香芋味濃，雲呢拿雪糕夠滑唔甜！
我仲追加咗兩款小食，叫咗2串沙嗲串燒雞肉和2件網米蝦春卷，個雞肉串沙嗲香爐，雞肉嫩滑，網米蝦春捲炸得夠脆，入面有一隻蝦，蝦肉彈牙，仲好似有紫菜！
2.星加坡炒貴刁 配冬瓜雞湯$88+凍美式咖啡（奶）$10+十勝紅豆雪糕$28+追加一款小食（街頭咖央多士）$28（8/10）
呢個星加坡炒貴刁個貴刁粉比較韌少少，個貴刁炒到辣辣地，入面配料有5隻蝦仁、炒蛋、洋蔥同蔥等！
冬瓜雞湯：冬瓜雞湯入面有冬瓜粒，味道比較偏鹹！
凍美式咖啡（奶）：呢個咖啡比較偏苦，加咗奶都係苦！
十勝紅豆雪糕：十勝紅豆真係無得輸，紅豆大大粒唔甜，雲呢拿雪糕夠滑唔甜！
我仲追加咗一款小食，叫咗街頭咖央多士，咖央多士個麵包軟淋，無拎去烘過，甜到適中！
3.榴槤樂園（榴槤丹麥厚吐司）$98（8.5/10）
畀個榴槤丹麥厚吐司有榴槤肉、炸榴槤波波、棉花糖同雲呢拿雪糕，厚吐司個包皮好脆身，呢個甜品簡直夠二人食，份量超級足夠！
2人總共價錢$493，有加一服務費！
個人口味總評分：8.6/10
地址：荃灣大壩街4-30號荃灣廣場3樓350-352號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#摩登堂 #香港美食 #荃灣美食 #荃灣好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
