滷友記 (華都中心)

營業中

休息中

今日突然落大雨，我哋行咗入荃灣一個商場避雨。發現華都商場有好多民生食店，我哋揀咗一間滷水麵店。📍荃灣 滷友記我哋食咗：🌟古法滷水五花肉拼蘿蔔麵（加底）💰58+8 老友記嘅滷水汁好特別，滷水汁加入當歸，滋補得黎當歸又會搶咗滷水汁嘅味。五花肉肥瘦均稱，蘿蔔麵係類似粗麵，口感爽滑，男仔唔使加底都飽。台灣腸+💰8台灣腸好正宗。茶一刻有氣桔仔水💰6跟餐送時令小食，每次都唔同，今日係炸墨魚丸，墨魚丸外層炸到金黃色，肉質彈牙。🌟滷友牛三寶飯（肉躁汁）💰60三寶飯包括金錢展，牛筋，金錢肚。我覺得金錢展最好食，一層肉一層骨膠原，金錢肚炆得好腍。牛筋好有骨膠原，金錢肚口感彈牙。三寶飯另上滷水汁，肉燥汁係比較杰身。上湯時菜💰10，上湯時菜係娃娃菜，醬汁係用滷水汁，都係有當歸味，十分滋補。餐飲熱檸水。總結：滷友記價錢十分經濟，特別欣賞佢嘅滷水汁，可以經常光顧，店員服務態度好。