摩登堂 (荃灣廣場) (已結業)

經常都會來荃灣嘅我哋，見到呢間開左無幾耐食泰菜新店，初初見到啲評價麻麻地，有保留，見呢排多咗好評，朋友又話想試下，好啦，就俾次機會呢間新店，點知。。。有驚喜佢都幾多款式，有齊主食，特色野飲，甜品，一次真係試唔晒。八點後 野飲仲買一杯 第二杯半價 我哋叫咗個 鮮芒生椰楊枝甘露 仲可以選擇要唔要冰同甜度 非常好，少甜剛剛好唔會好甜 有新鮮芒果肉 好清新，清甜，不錯。佢碟 馬拉盞炒通菜 勁大碟 好啱我呢啲唔食得辣嘅人食 咸香咸香 唔會辣同太咸 味道剛剛好。叫咗碗，河內雞絲扎肉湯河 好大碗 份量十足 重點係佢配嘅醬 撈埋一齊食 簡直係絕配 辣辣地 勁好味 一定要加埋一齊食。最後嗌咗個小食 炭燒蜂蜜醬烤豬頸肉 豬頸肉超淋 烤得剛剛好 份量都不少 差點食唔晒整體都唔錯，下次可以試其他，今次太飽，都未試到佢嘅甜品。