燒烤堂

營業中

休息中

重大消息,我最愛嘅燒烤堂終於開到黎荃灣!呢一間分店位於川龍街118號百悅坊12樓,提供各種特色燒烤美食,係眾多選項中,特別揀出幾款推薦俾大家。首推 - 焦糖青蘋果鵝肝多士係燒烤堂拉我入坑既一道菜,鵝肝份量十足,入口即化,一咬油香四溢,配上焦糖青蘋果的酸甜,形成了絕妙的味覺平衡。每次嚟到燒烤堂都一定要食,鍾意食鵝肝嘅朋友一定要一人嗌一份。麻辣翠玉瓜通常翠玉瓜係一般燒烤店都會燒得比較乾,但燒烤堂既師傅就燒得恰到好處,保留左翠玉瓜既汁水,加上麻辣的調料,十分惹味。川燒蒜蓉茄子亦都係一道出色既菜品。茄子的鮮甜味在燒烤過程中得到了很好的保留,蒜蓉的香氣與茄子的清甜完美融合,加上有少少辣味,令人回味無窮。麻辣手釣墨魚鬚新鮮彈牙的墨魚鬚配上麻辣調料,口感獨特,真係會同朋友爭住黎食。鍾意食燒烤嘅朋友,我誠心推介燒烤堂俾大家,合適的價錢,出色的食物水準,十分適合朋友之間聚會去食,經過荃灣嘅朋友記得去試一試啦。