Vision 8

餐廳地方唔算大，但裝修優雅，比人感覺都幾舒服。見到牆上掛滿聖誕裝飾，感覺好似提早食聖誕餐甘，已有種喜悅感。🍴餐湯加麵包餐包微暖軟熟，餐湯分量多，帶濃郁蕃茄味，好開胃。🍴洋蔥煙肉芝士焗薯皮（4件）$48好似隻船仔甘，裝滿好多食材。口感豐富，沾上酸忌廉會更好食。🍴鵝肝蘋果雜菜沙律 $148鵝肝肥大肉厚，外表金黃內裏嫩。入口溶化，味道係口腔內浪接浪甘擴散。配合蘋果既酸甜、脆餅乾混合，味道好夾，有層次又好食。沙律菜新鮮，配意大利黑醋清新。🍴蜜汁燒德國咸豬手 $198當豬手上菜時，店員會問需唔需要幫我地切開。為左更方便進食，所以店員都幫手開切。兩三下手勢已拆骨，夠專業。豬手份量十足，外皮好香脆，肉質鮮嫩啖啖肉，惹味又唔覺膩。🍴朱古力心太軟 $68外面鬆化，切開一下裡面熱辣辣既朱古力溶漿，慢慢流出去，為呢一餐錦上添花。雪糕同心太軟都係微甜，就算一個人食哂都唔覺漏丫。餐廳環境舒適，店員被人感覺積極、友好，令人有種賓至如歸既感覺。食物質素都唔錯，的確係荃灣區西餐好選擇。