影片
更多
2024-08-25
229 瀏覽
好耐之前嚟過荃灣食呢間拉麵店，之前分店位置係喺千色店附近，而家拉麵店已經搬得更近荃灣站，位置真係幾方便🥰 舖面位置唔多，雖然呢晚係平日，都等咗五分鐘先入到座🤨海老拉麵一上檯就聞到好香嘅蝦味，拉麵面都鋪咗好多櫻花蝦，湯底飲落都好香鮮味🦐 麵條用咗幼麵，另加咗慢熟豚叉燒，慢熟嘅肉好粉嫩😚特濃豚骨沾麵友人就揀咗食沾麵，呢個就比較重口味，豚骨湯以石鍋上，入面仲有幾粒豚角煮，將凍嘅粗麵點落熱辣辣嘅濃郁豚骨湯，麵條有咬口，好掛湯🤩 友人仲加多咗隻半熟蛋，佢話要多啲protein，要練大隻喎😂煎餃子一碟有五隻，煎得唔錯，唔會過份燶😙 餡料入面有菜肉，點少少醋就更解膩🥟飲品揀咗兩款口味嘅Sage冷泡茶，白桃烏龍同桂花烏龍，兩枝茶嘅茶底都係用原片茶葉嚟泡製，有淡淡嘅香味同果甜🍑呢間本地小店拉麵店真係同佢哋嘅店名一樣，非常用心製作拉麵🍜 佢哋喺旺角同九龍灣都有分店㗎，大家記得支持吓本地小店啊💪🏻
好耐之前嚟過荃灣食呢間拉麵店，之前分店位置係喺千色店附近，而家拉麵店已經搬得更近荃灣站，位置真係幾方便🥰 舖面位置唔多，雖然呢晚係平日，都等咗五分鐘先入到座🤨
海老拉麵
一上檯就聞到好香嘅蝦味，拉麵面都鋪咗好多櫻花蝦，湯底飲落都好香鮮味🦐 麵條用咗幼麵，另加咗慢熟豚叉燒，慢熟嘅肉好粉嫩😚
特濃豚骨沾麵
友人就揀咗食沾麵，呢個就比較重口味，豚骨湯以石鍋上，入面仲有幾粒豚角煮，將凍嘅粗麵點落熱辣辣嘅濃郁豚骨湯，麵條有咬口，好掛湯🤩 友人仲加多咗隻半熟蛋，佢話要多啲protein，要練大隻喎😂
煎餃子
一碟有五隻，煎得唔錯，唔會過份燶😙 餡料入面有菜肉，點少少醋就更解膩🥟
飲品
揀咗兩款口味嘅Sage冷泡茶，白桃烏龍同桂花烏龍，兩枝茶嘅茶底都係用原片茶葉嚟泡製，有淡淡嘅香味同果甜🍑
呢間本地小店拉麵店真係同佢哋嘅店名一樣，非常用心製作拉麵🍜 佢哋喺旺角同九龍灣都有分店㗎，大家記得支持吓本地小店啊💪🏻
張貼
