影片
更多
2011-11-02
43 瀏覽
得知荃灣如心廣場開咗間熱狗專門店，第一時間走去試吓。舖面唔大，但非常光猛，非常乾淨，設備唔算多，但都頗齊全，有鐵板、電磁爐、炸爐等等。係右手邊，擺放咗一個甜品雪柜，但係入面擺嘅，並非甜品，係一枝一枝嘅細樽裝可樂，擺滿成個雪柜，我呢個可樂迷見到，當然開心。係可樂柜嘅右邊，係一個好細嘅角落，好多人都會用緊擺雜物，但係呢個店主則頗有心思，貼咗一幅紐約街頭嘅黑白牆畫，拉闊咗呢個空間嘅感覺，係牆畫入面嘅街燈上，貼上自己舖頭嘅logo --- DOWN TOWN，黑底黃字，有標示作用之餘，又不會太突出，與牆畫非常襯，再加上吊燈嘅角度與高度，剛剛照射到大廈嘅屋頂，頗有心思；係牆畫嘅前面，則擺放咗一張白色小吧枱，再加兩張黑色吧櫈，一黑一白，與整體怖局匹配，的確係一個唔錯嘅佈置，亦可以讓客人有個寧靜嘅角落，細意品嚐店內美食。食物選擇唔算多，主力當然係熱狗，簡單講，有三款飽和六款腸；有經典熱狗飽、芝麻黑椒脆飽及德式小麥飽；腸方面，有四款豬肉腸和兩款雞肉腸，豬肉腸有波蘭煙腸、德式豬肉腸、車打芝士豬肉腸和墨西哥辣椒芝士腸，雞肉腸則有烤蒜雞肉腸及蘋果雞肉腸；除此之外，仲有費城芝士牛肉狗；全部都是$28，不過店主
舖面唔大，但非常光猛，非常乾淨，設備唔算多，但都頗齊全，有鐵板、電磁爐、炸爐等等。
係右手邊，擺放咗一個甜品雪柜，但係入面擺嘅，並非甜品，係一枝一枝嘅細樽裝可樂，擺滿成個雪柜，我呢個可樂迷見到，當然開心。
係可樂柜嘅右邊，係一個好細嘅角落，好多人都會用緊擺雜物，但係呢個店主則頗有心思，貼咗一幅紐約街頭嘅黑白牆畫，拉闊咗呢個空間嘅感覺，係牆畫入面嘅街燈上，貼上自己舖頭嘅logo --- DOWN TOWN，黑底黃字，有標示作用之餘，又不會太突出，與牆畫非常襯，再加上吊燈嘅角度與高度，剛剛照射到大廈嘅屋頂，頗有心思；係牆畫嘅前面，則擺放咗一張白色小吧枱，再加兩張黑色吧櫈，一黑一白，與整體怖局匹配，的確係一個唔錯嘅佈置，亦可以讓客人有個寧靜嘅角落，細意品嚐店內美食。
食物選擇唔算多，主力當然係熱狗，簡單講，有三款飽和六款腸；有經典熱狗飽、芝麻黑椒脆飽及德式小麥飽；腸方面，有四款豬肉腸和兩款雞肉腸，豬肉腸有波蘭煙腸、德式豬肉腸、車打芝士豬肉腸和墨西哥辣椒芝士腸，雞肉腸則有烤蒜雞肉腸及蘋果雞肉腸；除此之外，仲有費城芝士牛肉狗；全部都是$28，不過店主話費城芝士牛肉狗原價係$32，不過依家特價，所以一樣係$28；既然特價，當然要先試，叫咗一客費城芝士牛肉狗，再加多個墨西哥辣椒芝士腸，飽方面，芝士牛肉狗跟芝麻黑椒脆飽，辣椒芝士腸就跟經典熱狗飽。
另外加$11，可配薯條和汽水，散叫薯條都要$12一份，所以我就揀咗加一份。
至於芥末醬，有四款選擇，全部都係自家調製，有Down Town芥辣、英式芥辣、蜜糖芥辣和香甜芥醬；店主話Down Town芥辣，辣中帶酸；英式芥辣，就最辣；蜜糖芥辣，係少辣；香甜芥醬，就唔辣，係甜嘅；我揀咗微辣嘅蜜糖芥辣。
店內三人，當我確認咗order後，一人烤麵飽，一人泡洋蔥，好細心咁幫我準備午餐；麵飽輕輕烤熱後，塗上少少牛油，將預早處理好嘅烤牛肉及芝士放入飽內，再放上泡香嘅洋蔥，最後唧上蜜糖芥辣，完成了。正當我等待午餐之際，見到有一籮洋蔥放係廚房入面，係一籮好大個嘅洋蔥，起碼比我哋平時係街市見到嘅大一半，好吸引。
返到office，第一時間打開嗰盒費城芝士牛肉狗，見到都吸引，好豐富，牛肉嘅份量絕對唔少，洋蔥、芝士、芥辣鋪滿係牛肉上面，填滿整個飽，雖然個飽唔係好長嗰隻，但都有五至六吋長，係中size；麵飽係芝麻黑椒脆飽，飽面灑滿芝麻，有少許芝麻香，亦見飽身有點點黑色，相信係黑椒，哈哈，但係食唔到黑椒味，至於脆飽是否脆呢？哈哈，答案係唔脆，但飽皮唔韌，唔會有齒唔開嘅感覺，質地軟熟，唔太鬆，但與烤牛肉合襯。至於烤牛肉，ok啦，至少食入口，唔會有凍冰冰嘅感覺，但牛肉味略淡，不過可能係洋蔥、芝士與芥辣味過濃所致；洋蔥泡過，香味突出，但有d過火，唔夠爽，可以改善；芝士與芥辣，味道亦濃郁，惹味，特別係呢隻蜜糖芥辣，好香，少少搶鼻，唔強烈，幾好；整體上呢個費城芝士牛肉狗，係有水準，唔錯。
食完呢個芝士牛肉狗，已經半飽，再試呢個墨西哥辣椒芝士腸熱狗，相比之下，份量少了一截，哈哈，觀感上冇咁彭澎湃；麵飽係典型嘅豬仔飽，軟熟，但咬感反而及不上芝麻黑椒脆飽，而且呢個飽冇芝士，由於剛剛食咗個芝士牛肉狗，所以覺得若有所失；辣椒芝士腸，微辣，芝士味唔濃，亦唔覺脆皮，有d失色。
以同一價錢來說，呢隻芝士牛肉狗，肯定抵食過墨西哥辣椒芝士腸熱狗，不過差點忘記原來麵飽係可以自由選擇、自由配搭嘅。至於薯條，灑上鹽，但唔太鹹，適中；薯條係連皮炸，因為平時少食，唔知坊間嘅薯條專門店是否都係連皮炸，不過食入口，又唔覺有問題，唔覺有層皮，ok啦，而且薯仔味道亦夠香，只可惜唔夠熱，可能攞到返公司，又影相，又等我食埋嗰兩個飽，所以凍咗，下次要趁熱食。
兩個飽，每個$28，再加一份薯條和汽水$11，合共$67，唔平，但可以接受啦。張貼
