Diff. Cafe (已結業)

~煙三文魚雞胸藜麥沙律($83)🥗lunch set包左碗薯仔煙肉忌廉湯🥣，熱熱地配上沙律可以暖下個胃☺️。唔係講笑真係好少食得咁健康🙈，除咗有藜麥呢樣超級食物之外😌，仲有齊三文魚同雞胸夠晒營養同高蛋白😎。沙律仲有啲類似士多啤梨嘅醬汁🍓，酸酸甜甜咁都幾特別😙。~蟹肉露筍野菌忌廉意粉配日式溫泉蛋($108)🍝黎到嗰陣個溫泉蛋咁🤪，點知切落去原來唔係流心😂。不過我都照樣整切開撈勻落個意粉度😗，加埋creamy忌廉汁口感更佳架😎。意粉有蘆筍，洋蔥🧅同野菌食落去口感更加豐富😋，但係蟹肉就唔係好食到啦😅。~Dirty ($26)☕️其實成日都唔知dirty應該點樣先最好🤔，其實係咪應該好似奶蓋咁樣一大啖飲晒咖啡同啲奶🤥。不過我自己嘅建議快啲飲晒佢😂，如果唔係啲espresso就會沉晒底🙈。~特濃朱古力($40)🍫呢個月只係開始左冇耐已經係第三杯熱朱古力🤦🏻‍♀️，唔知點解冬天特別會想飲杯熱熱嘅朱古力🔥(個身體係咪想幫我儲脂肪🤥)。特濃朱古力飲落去唔會太甜😌，感覺上冇咁肥得黎又可以品嚐到濃濃嘅朱古力味😏。