Vision 8

以前成日喺海晴軒嘅遵理補習🤓，最近發現附近原來開左間食西餐嘅餐廳🍽️，就諗住試下佢地嘅意粉同牛扒。厚切肉眼扒（💰$388）跟餐湯🥣同麵包🥖，同市面上嘅忌廉湯有啲唔同，佢仲加左豆蓉，感覺口感豐富左。肉眼扒🥩3成熟煎得啱啱好，鎖住肉汁又唔會太老，同埋本身都幾夠味，加埋紅酒汁🍷嘅配搭都唔錯。薯蓉食到一塊塊薯仔🥔嘅質感，配菜種類豐富。😌蕃茄蜆意粉（💰$168）蕃茄醬🍅幾重，每條麵🍝都掛上濃厚嘅醬汁。蜆嘅份量都唔少，好惹味。😗炸生蠔（💰$58）炸蠔🦪上菜嘅時候熱辣辣，一咬落去食到生蠔嘅汁同香脆嘅炸衣。😀餐廳服務態度幾好，又成日留意執碟同加水👍🏻。下次都想嚟試下其他意粉同威靈頓牛～