燒烤堂

營業中

休息中

荃灣又有新串燒店，仲要係中環燒烤堂嘅分店！荃灣店好大，都幾多位，同埋好寬敞，好啱幾個朋友吹水飲酒🍻！全日仲做緊啤酒買一送一超抵！基本食過嘅所有嘢都好味，冇伏！鵝肝多士 - 煎得好香軟，有流心入口即溶嘅感覺！蒜蓉燒生蠔- 推介！燒完仲好大隻，🦪鮮甜多汁冇腥味，蒜蓉好惹味！燒白鱔- 肉質新鮮，好彈口🤤燒雞心雞肝- 最愛嘅內臟！大大粒，燒得啱啱好唔會乾身。免治雞肉棒-調味幾好，唔會過甜同鹹，有咬感，配上蛋汁👍其餘嘅嘢食都好好，蔬菜類🥗淮山萵筍唔會好乾身，飯團都好好味！其實串燒，除咗食材要好之外，師傅嘅手勢都好重要，平均所有嘢都燒得啱啱好，咁樣先保留到食材嘅鮮味同串燒嘅香味😎