影片
更多
2025-03-11
518 瀏覽
一上嚟個WM龍蝦海鮮湯，濃郁鮮甜，每啖都有海鮮嘅精華，一飲就知好足料！巴馬火腿凱撒沙律好清新，火腿同沙律菜好夾，成個開胃前菜好出色👍重點嘅波士頓龍蝦薄餅，9吋大大份，龍蝦肉多多，鮮白菌同迷你蕃茄襯托住，餅底香脆，咬落去好有口感，我同朋友爭住食😆主菜我哋揀咗龍蝦汁帶子海鮮芝士焗長通粉，芝士多得嚟拉絲，龍蝦汁好濃郁，帶子同海鮮都好新鮮，每條通粉都掛滿汁，正到痹！甜品我最鍾意柚子海鹽蘋果金寶，柚子嘅清香同海鹽嘅鹹香，配埋軟稔嘅蘋果，口感層次豐富。WM自家製嘅藍莓芝士蛋糕都唔錯，芝士味好濃郁，入口即化。飲品方面，百香果冰紅茶好清爽，好解膩；朱古力咖啡就香濃幼滑，咖啡控一定鐘意。呢個套餐先$388，有齊湯、沙律、主菜、甜品同飲品，真係好抵食！環境都好舒服，好適合同朋友嚟chill下。推介俾大家😎
一上嚟個WM龍蝦海鮮湯，濃郁鮮甜，每啖都有海鮮嘅精華，一飲就知好足料！巴馬火腿凱撒沙律好清新，火腿同沙律菜好夾，成個開胃前菜好出色👍
重點嘅波士頓龍蝦薄餅，9吋大大份，龍蝦肉多多，鮮白菌同迷你蕃茄襯托住，餅底香脆，咬落去好有口感，我同朋友爭住食😆
主菜我哋揀咗龍蝦汁帶子海鮮芝士焗長通粉，芝士多得嚟拉絲，龍蝦汁好濃郁，帶子同海鮮都好新鮮，每條通粉都掛滿汁，正到痹！
甜品我最鍾意柚子海鹽蘋果金寶，柚子嘅清香同海鹽嘅鹹香，配埋軟稔嘅蘋果，口感層次豐富。WM自家製嘅藍莓芝士蛋糕都唔錯，芝士味好濃郁，入口即化。
飲品方面，百香果冰紅茶好清爽，好解膩；朱古力咖啡就香濃幼滑，咖啡控一定鐘意。
呢個套餐先$388，有齊湯、沙律、主菜、甜品同飲品，真係好抵食！環境都好舒服，好適合同朋友嚟chill下。推介俾大家😎
張貼
