天 · 悠蔬食 (已結業)

之前睇到網上推介，適逢今日觀音成道日，決定同愛人到荃灣試吓。青衣基本上沒有素食餐廳，要食素就要去荃灣，由屋企出發尚算交通方便， 只搭四個站巴士。餐廳景觀開陽，有自然採光，座位舒適，有卡位，兩個人也可以坐四人枱，場內的卡通佈置，適合打卡。選了兩個午市套餐，中西湯任君選擇，加埋主食和飲品，都只是$108 加一。加$10可以有特飲，加$38就可以有精美嘅甜品。食物質素無論味道配搭都很用心，會再幫襯及推介給其他朋友。