Vision 8

荃灣不嬲美食多，講到西餐不得不提呢間喺兆和街中間嘅西餐廳- Vision 8。呢間西餐廳距離地鐵站唔遠，近千色店。舖頭細細，裝修別緻，環境昏暗，好有西式傳統味道，有浪漫嘅感覺。餐廳西餐選擇好多，鍾意飲酒嘅朋友可以少斟一番。食物擺盤精緻，味道都不錯！1）是日餐湯配麵包：今日蘑菇忌廉白湯，可以品嚐到顆粒感嘅蘑菇，飲落香滑，份量比其他餐廳多。另外熱辣辣嘅麵包配上黑松露牛油，好香口2）酥炸生蠔-外層炸到脆卜卜，外脆內軟，生蠔新鮮3）香煎帶子配牛肝菌意大利面：一上枱賣相好好，色彩繽紛，食落去每條面都掛上牛肝菌汁，好惹味，帶子亦好新鮮。🥰4）烤咸猪手配酸椰菜-好大份啖啖肉，仲有職員幫手切片，好滿足！