Diff. Cafe (已結業)

今日同朋友黎左荃灣，午餐就相約咗去「Diff. Cafe」。黎到我地叫咗蒜蓉大蝦蕃茄意粉，一碟有四隻蝦十分足料，食落去好香蒜味，加埋蕃茄，真係令人越食越開胃。我地仲叫咗素菜漢堡留心蛋漢堡，個漢堡包有好驚喜，個流心蛋真整得岩岩好，一切落去啲蛋黃就流晒出嚟，個素菜漢堡味道就甜甜地入面有啲豆，食落去同個漢堡包又好夾。另個，個薯條亦都好好味，條條都脆卜卜同熱辣辣，令人食唔停口。飲品方面，我叫咗Latte，Latte面上有一層好靚既心形拉花，飲落去重奶味，平日少飲咖啡既我都接受到。朋友就叫咗Dirty，Dirty黎到既時候都夠凍，會見到面嗰層係咖啡，下面嗰層係奶，飲落去嘅時候都好重好香咖啡味，值得一試。