Vision 8

不嬲都知道荃灣多好嘢食，今次嚟到行過見到呢間餐廳平日夜晚都幾full，一於入去試吓佢😮餐廳裝修喺簡單工業風格，而家臨近節日已經掛晒聖誕裝飾，都幾有氣氛🎄有一面牆仲掛滿咗同客人嘅合照，感覺好溫馨🏡食物方面每一道菜都好出色，由餐湯到main dish都感受到廚師對食材嘅用心🤍如果你想食一餐精緻嘅晚餐嘅話，不妨可以試吓呢間!!-MENU▫️餐包配黑松露牛油醬 ★★★★★一嚟到就即刻送上咗三款唔同嘅餐包，自己最鍾意係脆多士🍞配上黑松露醬好香有驚喜!!👍🏻▫️ 餐湯 $55 ★★★★★今次試到嘅湯係薯蓉忌廉湯，味道好濃郁，入面仲會有細細粒煎香咗嘅煙肉🥓暖胃得嚟又好飲😙▫️白酒忌廉汁煮藍青口 $148 ★★★★☆個汁超級好食！忌廉汁濃郁得嚟又好有海鮮嘅香味，食到最後再用脆多士點晒個汁先捨得收走🌊 雖然青口肉唔會話好大粒，但係份量都好足夠2個人食🫄🏻▫️西班牙風乾火腿薄餅 $158 ★★★★☆如果你係鍾意薄pizza嘅話，嗌呢個就啱曬🍕餅皮烤到好脆有火爐嘅焦味，parma ham嘅鹹香加埋火箭菜獨有嘅味道，幾特別值得一試▫️ 烤鹹豬手配酸椰菜 $258 ★★★★★ 一上菜隔籬枱都驚嘆份量真係好大❕餐廳俾你影完