Diff. Cafe (已結業)

實好多朋友黎親荃灣都只係識得「路德圍」，包括以前的我都係，但自從上幾次去左荃灣廣場附近食好西，先發現果邊都幾多新式又好味既餐廳。而今次去既係一間之前經過幾次都想入去的一間純白cafe。 雖然地方細細位置唔多，但勝在環境以木系為主，加以愛琴海的藍白色廚房，有種令人放鬆心情的感覺。 ⦁泰式烤雞pizza🍕 $117超級喜歡批底薄而脆，食落比較輕盈，食多少少都唔怕食滯。上面有青椒、粟米、菠蘿、烤雞肉粒，醬汁就以茄汁為主，仲有食到少少Tabasco，酸中帶點微辣，超級足料。 ⦁炸魚漢堡🍔 $108整體黎講足料又大份。魚柳新鮮炸起外層薄而脆，裡面似蒸魚咁嫩滑。 ⦁Dirty（跟餐） $26飲得Dirty就系喜歡那種層次分明的感覺，咖啡香濃，奶味好重，重點果杯勁凍。 ⦁Mocha $39餐廳係杯mocha做左個好靚的拉花，加上餐廳調得岩岩好，順滑得黎唔會好甜。