Bench Cafe

營業中

休息中

落住微雨，下班閒來無事，嚟咗新開嘅"bench cafe" Chill下。​聽老闆講，呢度開咗幾日咋！😳​幾鍾意呢度鑽石形嘅格局，令我聯想起元朗嘅"The third" ，加上門外超文青嘅木板凳，相信又會成為一個熱門打卡位。​▲鑽石形格局，中間為一排大窗，採光度十足。▲門口正中間褶疊大窗，全店最靚打卡位！▲店如其名，以木板凳為主題嘅cafe。女生至愛 高纖輕食食物方面，一貫Cafe嘅輕食係主，食得出店家有用心設計過，各式酸種包都係少油少鹽，整體口味偏輕，但屬合格範圍。​✦ 意式香草蕃茄醬雞扒煙肉酸種三文治份量好足，當正餐食都無問題！🤤​雞扒好厚！目測平均有2cm厚！😳​加上蕃茄香草醬，成件事幾惹味！不過略嫌雞扒有啲韌，雞皮若再煎香啲會更佳。​雞扒下仲有煙肉、灑滿藜麥嘅酸種包，以及沙律，高纖又飽肚，食晒都唔會有罪惡感。另外，我好鍾意佢哋嘅甜醋及杏仁片，連沙律食，酸甜有咬口，感覺唔錯！​✦ 朱古力現時試業，全部飲品有8折，所以呢杯實際價錢係HK$34。本身好想試咖啡，無奈失眠情況有啲嚴重，所以轉咗朱古力。個人覺得奶泡係做到綿密幼滑，而且唔似出面飲到嘅朱古力咁，啲粉沉晒低，飲到底都無沉澱物！