黑布小巷

營業中

休息中

黑布小巷今次要介紹喺荔枝角一棟工業大廈叫「億利工業中心」，我已經第三次去「億利工業中心」食好野，最初「億利工業中心」門口係有一級，經過我去平機會投訴後，終於有一塊斜板，輪椅人士只要叫保安員過嚟話需要斜板就會攞出嚟協助你！今次我係上4樓食一間台灣菜餐廳叫「黑布小巷」，入到呢間餐廳近門口位置已經擺放咗好多獎狀，證明真係好多人都覺得呢間餐廳好好味，入面都算寬闊，都幾啱一班輪椅人士一齊聚舊傾計食野！1.紅燒台式牛肉麵$68+蝦餅（3塊）$28+桂花雪梨羅漢果茶$15（8.5/10）呢碗牛肉麵塊牛肉有三塊，都幾淋，麵有少少似烏冬，好彈牙，份量都算多！蝦餅一共有3塊，咬落好脆，蝦膠都算多，好彈牙！桂花雪梨羅漢果茶飲落好解渴，甜度偏甜，有羅漢果喺度就預咗一定有少少甜！2.慢烤雞腿芝士蛋吐司$56（9/10）呢個烤雞腿芝士蛋吐司好正，個雞腿好厚唔乾算多汁，配埋溶咗嘅芝士加半生熟蛋漿，呢個組合好完美，甜中帶咸，好好味！3.芝士吞拿魚粟米蛋餅$42（8.5/10）呢個蛋餅切開大約6舊，蛋餅入面勁多芝士、吞拿魚同粟米，每一舊放入口都塞滿哂口腔，味道有少少甜，可能太多粟米粒！4.凍頂烏龍（無糖）$28（9/1