OWLS Coffee (已結業)

裝修簡單，座位比較少，得十幾個位，環境幾靜，傾計舒服，都有人會坐喺到睇書飲咖啡，但定價比較進取。*Cold brew $55自己嘅cold brew自己斟，玻璃樽直接喺雪櫃攞出嚟，保持到凍嘅狀況，樽身張貼紙好可愛，cafe裝修都有呢個畫，連咖啡機都有呢副圖，應該係cafe嘅招牌畫。玻璃杯反而冇放入雪櫃，入面有舊大冰，冰入面片薄荷葉係裝飾，完全冇薄荷味。大冰融得慢啲，冇咁易溝淡嘅咖啡。咖啡豆係Fruity果香味，偏酸，個人口味唔係好啱呢種咖啡豆。Chocolate tonic $58玻璃杯裝住tonic，橙片基本上係裝飾用。朱古力醬裝喺枝唧裝入面，單食朱古力醬好甜，好濃嘅朱古力味，唧入tonic water都係偏甜，整體而言係幾特別。